Matreiðslubók/Fiskisúpa

Fiskisúpa sem er holl og góð og fljótleg.

Innihald:

600 - 800 gr. ýsa
7 dl. mysa
5 dl. vatn
½ - 1 tsk. salt
100 gr. sellerí
100 gr. blaðlaukur
4 gulrætur
1 laukur
70 gr. smjör
1 tsk. karrí
2 msk. hveiti
Smávegis af Season all
1 - 1 ½ tsk. fiskikraftur
1 peli rjómi
3 eggjarauður
200 gr. rækjur

Gott að bera fram með volgu smábrauði og smjöri.

Aðferð:

Fiskurinn soðinn í blöndu af mysu, vatni og salti (ath. að ofsjóða ekki). Sellerí og laukur saxað og blaðlaukurinn skorinn í þunnar sneiðar. Grænmetið látið krauma í smjörinu í u.þ.b. 5 mín. í potti. Karríi bætt í. Skera gulræturnar í þunnar sneiðar og snöggsjóða þær. Láta hveitið yfir grænmetið í pottinum og væta í með 1 lítra af fiskisoði.

Bragðbæta með fiskikrafti og Season all, rjóminn látinn útí og hitað að suðu. Eggjarauðurnar hrærðar í skál og súpunni jafnað út í. Látið aftur í pottinn og rækjurnar, gulræturnar og beinlausi fiskurinn settur í. Nú má alls ekki sjóða í pottinum.