Vefleiðangrar/Kynfræðsla

Aldurshópur

8.- 10. bekkur grunnskóla (og jafnvel 1. ár menntaskóla)

Efni

Kynfræðsla

Kynning

Sigga og Jói sváfu saman fyrir 2 vikum síðan. Þau notuðu engar getnaðarvarnir (kjánar!). Núna er Jói kominn með skrítin útbrot og kláða á kynfærunum. Hann er orðinn verulega áhyggjufullur og þorir ekki að segja neinum frá. Verkefni: Hvað gæti hugsanlega verið að Jóa? Hvert gæti hann leitað? Hvernig hefði hann getað komið í veg fyrir þetta? Þarf hann að tala við Siggu og segja henni frá þessu?

Ferli

Verkefnið skal vinnast í 3 manna hópum og eru 2 kennslustundir ætlaðar til verksins. Við lok verkefnis skal hópurinn halda kynningu fyrir bekkinn. Hver hópur fær 10-15 mín sem mega notast að vild, t.d. má kynningin innihalda myndbönd. Einnig gætuð þið útbúið vefsíðu/dreifibréf með helstu upplýsingum úr kynningunni og dreift til samnemenda ykkar.

Bjargir

Nokkrar gagnlegar krækjur:

doktor.is

astradur.is

Kynsjúkdómar - spurt og svarað

Mat

Helmingur mats verður byggður á jafningjamati, þar sem nemendur meta vinnu annarra hópa. Hinn helmingur matsins byggist annars vegar á mati nemenda á hópmeðlimum (25%) og mati kennara á framlagi hvers einstaklings innan síns hóps (25%).

Niðurstaða

Að loknu verkefninu ættu nemendur að vera fróðari um kynsjúkdóma, smitleiðir og forvarnir.