Upplýsingatækni/Að nota imovie

Hvað er imovie og til hvers er það notað?

Imovie er forrit sem er í apple tölvum, forritið er notað til að klippa myndbönd eða búa til myndbönd úr annað hvort myndbandsbútum eða myndum. Mjög auðvelt í notkun og skemmtilegt.

Hvað þarf til að geta byrjað?

Leiðbeiningar, myndbönd og eða myndir.

Tekið beint af myndavél eða videovél

Það fyrsta sem þarf að gera er að tengja mynda- eða videovélina með snúru með usb-tengi við apple-tölvuna, því næst opna imovie og ýta á import from camera. Þá kemur upp gluggi með innihaldi vélarinnar, veljið það sem þið viljið nota til að búa til myndbandið og ýtið á import selected.

Búa til nýtt verkefni

Velja File og new project.
Velja þarf nafn á verkefnið
Hægt að velja þema t.d hvort verið sé að búa til myndband eins og myndaalbúm, grínbók, fréttaþátt o.s.frv.
Þegar þetta er komið þarf að velja create.
Vinstra megin niðri er dálkur sem heitir Event library þar eiga myndböndin sem búið er að hlaða inn í tölvuna að birtast.

Klippa

Veljið þá myndbandsbúta sem þið viljið setja í myndbandið með því að setja músina þar sem þið viljið að myndbandið byrji og dragið músina yfir allt það efni sem á að vera í myndbandinu. Haldið svo inni vinstri takka músarinnar og dragið upp í gluggann sem heitir Project- (sjá mynd hér fyrir ofan) þetta er gert þar til allir myndbandsbútarnir eru komnir í efri gluggann og verkefnið tilbúið eins og það á að vera. Þá er hægt að bæta inn texta í myndbandið og er það gert með því að smella á T – takkann sem er fyrir miðju hægra megin. En á þessum sama stað eru einnig takkar sem hægt er að velja músik (mynd af nótu), setja inn myndir (mynd af myndavél), setja inn skemmtilegar skiptingar á milli myndbrota (mynd af umslagi) og mynd af hnetti. Þar er hægt að velja sér bakgrunn þar sem það á við. Þegar þessir takkar eru notaðir þarf að velja þá og það sem á að nota, halda inni vinstri músartakkanum og draga það þangað sem það á að vera á í myndbandinu í efri glugganum.

Loka hönd lögð á verkið

Ef hljóðið í myndbandinu á að hverfa og setja á inn lag í staðin þá þarf músin að vera á einhverju myndbrotanna í efsta glugga og velja cmd+A til að velja allt og ýta svo tvisvar á vinstri takkann á músinni. Velja audio og þar er hægt að lækka niður hljóðið í myndbandinu og setja á mute. Einnig er hægt að gera eins með lagið sem á að spilast undir myndbandinu og setja inn fade in og fade out. Þá byrjar lagið og endar með því að fjara út.

Myndbandið tilbúið

Þegar allt er komið eins og það á að vera þarf að velja share og export movie – velja nafn á verkið ef það á að vera annað en gert var í byrjun, gott er að velja large og ýta svo á Export, þá er myndbandið tilbúið og hægt að setja það á netið eða senda það áfram.

Gangi þér vel 