Upplýsingatækni/Að nota Github

Hvað er Github? Github er staður þar sem er hægt að setja kóða inná netið svo að margir geti skoðað og unnið í kóðanum á sama tíma. Bæði er hægt að hafa kóðann opinn fyrir öllum eða bara ákveðnum aðilum og einnig er hægt að stjórna því hverjir geta breytt kóðanum.

Hvenær nýtist Github? Í hugbúnaðargerð þar sem unnið er í hópum er mjög sniðugt að nota Github. Í stað þess t.d að þurfa að senda á milli sín þær breytingar sem hver og einn gerir geta allir unnið í sama repository. Þetta getur hentað þegar ekki allir hópmeðlimir eru staðsettir á sama stað og vinna kannski ekki í verkefninu á sama tíma.

Hvernig bý ég til nýtt repository í Github? Til að nota þetta frábæra tól þarf aðeins að gera nokkra hluti sem taka ekki mikinn tíma. Fyrst þarf að byrja á því að búa til nýtt Repository inná github.com. Síðan er opnað Terminal/git bash og passað að vera í réttri möpppu(þar sem kóðinn sem á að fara á netið er staðsettur). Að lokum eru nokkrar skipanir keyrðar í þessari röð: git init git add . git commit -m "First commit" git remote add origin remote repository URL git remote -v git push -u origin master

Nú ætti að vera komin tenging frá verkefninu í tölvunni hjá notandanum og inná Github repository. Hópmeðlimir ættu að geta sótt kóðann og byrjað að vinna í honum.