Spjall:KRISTINDÓMUR OG TRÚARBRÖGÐ MANNKYNS Í GUÐFRÆÐI HANS KÜNGS
Hvað segiði um þetta? --Biekko 10:36, 8 ágúst 2007 (UTC)
Það er ekkert að því að höfundur greinar sem hefur birst annars staðar skrifi hana inn sem wikibók. --Salvor 10:53, 8 ágúst 2007 (UTC)
- Það getur verið gott og blessað að notendur leggi inn gömul skrif sín undir copyleft leyfi (vonandi gerir höfundurinn sér grein fyrir því hvað í því felst) og noti þau sem undirstöðu í grein á Wikipediu eða bók á Wikibókum en eins og þessi síða er sett upp núna er hún ekkert sérlega wiki. Hún býður manni ekki beinlínis upp á það að krukka í sér. --Biekko 11:36, 8 ágúst 2007 (UTC)
- Ég held það þurfi að hugleiða hvort um sé að ræða soapbox-dæmi og einnig er mögulegt að þetta stangist á við regluna um engar frumrannsóknir. --Friðrik Bragi Dýrfjörð 12:38, 8 ágúst 2007 (UTC)
- Mér finnst þessi grein ekki eiga heima hérna. Þetta er bara tímaritsgrein en ekki kennslubókarefni. Það segir líka í greininni að efnið hafi hvergi birst áður. Það þýðir að í greininni eru frumrannsóknir. Ef við lítum svo á að fyrri birting greinarinnar geri að verkum að hún sé ekki lengur frumrannsókn, þá verðum við að líta svo á að greinin sé source-text fyrir þær rannsóknir, en slíkur texti á ekki heldur heima hérna. Ef henni verður haldið verður samt að flytja hana þannig að titillinn sé ekki allur með hástöfum. --Cessator 16:31, 8 ágúst 2007 (UTC)
- Takk fyrir athugasemdirnar. Ég tek það fram að hér er ég ekki endilega að vekja athygli á sjálfum mér með þessari gömlu grein, heldur að reyna að koma henni í tölvuform og þarmeð lengja líftíma hennar, en tiltekið tímarit, sem hún birtist í, er ekki fáanlegt nema í velvöldum bókasöfnum. Í annan stað er ekki um frumrannsókn að ræða, heldur geri ég grein fyrir kenningum tiltekins manns, sem voru áður birtar (með einni undantekningu). Loks geri ég mér grein fyrir að með því að birta greinina á wikibooks fellur hún undir frjálsa GNU-handbókarleyfið og um leið og fólki finnst það hafa erindi til, getur það mér að meinalausu krukkað í hana að vild. Og já, rétt er það, hún er ekki sérstaklega wiki, enn sem komið er. Carlos 17:14, 8 ágúst 2007 (UTC)
- Sæll. Kannski væri best ef þú sjálfur fjarlægðir þann hluta í greininni sem hefur ekki birst áður. Þú þekkir greinina væntanlega manna best og þá vaknar að minnsta kosti ekki spurningin um frumrannsóknir hvað það varðar. Vil samt benda á að áður óséð túlkun, framsetning o.s.frv. á kenningum annarra telst frumrannsókn í wiki-skilningi. Eftir sem áður er greinin ekki mjög kennslubókarleg. --Cessator 17:24, 8 ágúst 2007 (UTC)
Eyða greininni? breyta
Ég er sáttur við það að greininni verði eytt. Ég er ekki tilbúinn að koma henni í kennslubókarform sem stendur og hef komið henni fyrir á öðrum stað á netinu. Carlos 15:47, 14 ágúst 2007 (UTC)
- Ég styð við eyðingu. --Stefán Örvarr Sigmundsson 19:45, 15 ágúst 2007 (UTC)