Mexíkósk kjúllasúpa frá Sölvabakka

Skref 1 4 kjúklingabringur skornar í bita og snöggsteiktar með salti og pipar, geymt á meðan súpan er löguð.

Skref 2

1 púrrulaukur

2 gular paprikur

2 rauðar paprikur / eða 1 rauð og 1 appelsínugul

5 hvítlauksrif-smátt söxuð

4 gulrætur

1 msk olía

Þetta er brytjað frekar gróft og sett í pott og látið krauma í nokkrar mínútur.

Skref 3

1,5 l vatn

4 dl mjólk

400 gr rjómaostur

3 stk svínakraftsteningar

2 stk kjúklingakraftsteningar

1/4 l matreiðslurjómi

2 tsk karrý

2 tsk paprikuduft

1 dós nýrnabaunir (má sleppa!)

1 dós niðursoðnir tómatar í bitum

svartur pipar eftir smekk

chilipiparduft eftir smekk

1 flaska chilitómatsósa (gott að nota þessa í glerflöskunum frá Heinz) sett út í súpuna síðast eftir að allur rjómaosturinn er bráðnaður

Látið sjóða í um 50 mínútur og þá er kjúklingnum bætt í og látið krauma í ca. 10-15 mínútur. Athugið að þennan súpugrunn má gjarnan nota í fiski- og sjávarréttasúpur, jafnvel gúllassúpu (naut, ær, folald). Berið fram með sýrðum rjóma, tortillaflögum (chili, osta eða venjulegum) og rifnum osti. Einnig gott að hafa nýbakað brauð með.