„Upplýsingatækni/Að nota simple family tree“: Munur á milli breytinga

[http://download.cnet.com/Simple-Family-Tree/3000-2127_4-10548885.html Simple Family Tree] er forrit sem gerir fólki mögulegt að teikna upp ættartré einstaklinga og halda utan um upplýsingar um æviferil þeirra og mynd. Mörg ættfræðiforrit eru mjög stór og það getur verið erfitt að ná tökum á þeim. Það borgar sig oft ekki fyrir fólk sem bara vill teikna upp einfalda mynd af ættartré að leggja það á sig að ná tökum á slíkum forritum. Þetta forrit sem ég er að kynna hérna er svo einfalt í notkun að það tekur í reynd ekki nema 10 mínútur að ná tökum á því.

 

Dæmi um notkun á svona forriti í kennslu er að í félagsliðanámi, er stundum verið að gera verkefni þar sem nauðsynlegt er að teikna upp ættartré einstaklinga/sjúklinga. Það er gert til að ná yfirsýn yfir fjölskylduna og meta veikleika hennar og styrkleika. Í slíkum verkefnum er þægilegt að nota svona einfalt forrit. Einnig má ímynda sér að hægt sé að nota þetta forrit á skemmtilegan hátt til að halda utan um allskonar upplýsingar, s.s. konungsfjölskyldur í sögutímum.

 

Í byrjun þarf að hala niður forritinu og hægt er að nálgast það með því að klikka á krækjuna hér að ofan. Forritið er afar einfalt í uppsetningu og með því að fara í gegnum uppsetningarferlið er forritið sett upp í Program files og það setur sjálft upp flýtileiðir.

 

Eftir að búið er að setja upp forritið og það er opnað sér maður bara auðan skja. Þá þarf að velja File/open-create og er maður beðinn um að velja nafn á ættartréð sem búa á til, eða opna ættartré sem er þegar til. Ef við viljum t.d. búa til ætt í kringum Jón Jónsson þá er einfaldast að skýra ættina bara Jón Jónsson.

 

Eftir að hafa búið til “ættina” þá erum við bara með auða síðu þar sem ekki er búið að teikna upp neitt enn. Að búa til einstakling er einfalt. Maður fer bara í valmyndina efst og klikkar á “New individual”. Þá kemur upp lítill gluggi sem leyfir að nafn, fæðingardagur og fæðingarstaður séu skráðir inn. Að því loknu er einfaldlega klikkað á “ok” og þá er kominn fyrsti einstaklingurinn á myndflötinn.

 

Ef við viljum t.d. bæta við dóttur þá er einstaklingur valinn og hægri smellt með músinni. Þá opnast gluggi. Í miðjunni er stórt svæði sem sýnir allt sem hefur verið sett inn í sambandi við einstaklinginn, t.d. glósur. Fyrir neðan það svæði er hægt að tengja valda einstaklinginn við föður, móður og börn og systkini. Hægt er að tengja við einstaklinga sem ekki eru til og opnast þá sami gluggi og þegar einstaklingur er frumskráður.

 

Hægt er að gera ýmislegt annað en hér hefur verið rætt svo sem setja inn mynd af einstaklingi og er það gert á sama hátt og þegar tengingar eru myndaðar. Valinn er einstaklingur sem á að setja inn mynd af og hægri smellt með músinni. Þar er valmöguleiki sem heitir “Link photo” og ef hann er valinn er hægt að benda forritinu á .jpg mynd sem það tengir við einstaklinginn.